Novel
NINGAL
Description
നിങ്ങൾ എഴുപതു വയസ്സു കഴിഞ്ഞ ഒരാളാണ്. അച്ഛന്റെയും മാഷിൻ്റെയും അടുത്തുനിന്ന് പൃഷ്‌ഠത്തിൽ തല്ലുകൊണ്ട് വളർന്ന് ബി എ പാസായി സിനിമാക്കൊട്ടകയിൽ മാനേജരായി ജീവിതം തുടർന്നയാൾ. നിങ്ങൾക്ക് ഒരു എഴുത്തുകാരനാകാനാണ് മോഹം. ഒരു നോവൽ എഴുതുകയും ചെയ്‌തു. രണ്ടാം നോവൽ എഴുതിത്തുടങ്ങിയ പ്പോഴാണ് നിങ്ങളുടെ ജീവിതമാകെ മാറിമറിഞ്ഞത്. അപ്പോൾ നിങ്ങൾ ജീവിതത്തിൽനിന്ന് അവധിയെടുത്തു. നീണ്ട മുപ്പതു വർഷത്തെ അവധി. പിന്നെ നിങ്ങൾ തിരിച്ചെത്തി പത്രസമ്മേളനം നടത്തി പ്രഖ്യാപിച്ചു: "അടുത്ത മാസം പതിനാറാം തീയതി ഞാൻ മരിക്കും." അത് ആത്മഹത്യയാകില്ല. പിന്നെ എന്താകും? 'നിങ്ങൾ' വായിക്കൂ. ഏറെ പരിചിതമെന്നുതോന്നുന്ന നിങ്ങളുടെ ജീവിതത്തിന്റെ അപരിചിതത്വങ്ങളെ അറിയൂ.