Poetry
POOPPAL
Description
വിബിൻ, കവിതകൾ രണ്ടു തരമുണ്ട്, വേവിച്ചതും പൊരിച്ചതും, ഇതത് രണ്ടുമല്ല. പച്ചമാംസക്കഷണങ്ങൾ കൊത്തിയെറിഞ്ഞുള്ള ഏറാണ്. നിന്റെ ചോരയിൽ നനഞ്ഞു, മാംസത്തിൻ്റെ ചൂടിൽ പൊള്ളി. നല്ല കവിതകൾ !! ഓരോന്നും പെറുക്കിയെടുത്ത്, ഇതിലതുണ്ട് - അതിലിതുണ്ട് എന്നൊന്നും പറയുന്നില്ല കേട്ടോ. എല്ലാത്തിലും പ്രേമസുരഭിലമായ ഹൃദയമുള്ള ഈ സുന്ദരൻ കവിയുണ്ട്, അവൻറെ തീക്ഷ്‌ണ യൗവനത്തിൻറെ ആസക്തിയുണ്ട്. അതുകൊണ്ടാണ് നാല് വരികളിൽ അയാൾ നിർത്തിയിട്ടും, നാമെഴുതാപ്പുറങ്ങളിലേക്ക് നോക്കിയിരിക്കുന്നത്. അതുകൊണ്ടാണ് 'അയവിറക്കില്ല / എന്നതിന് / ദഹിച്ചു /എന്നർത്ഥമില്ല ..!' എന്നെഴുതി അയാൾ നിർത്തുമ്പോൾ, അയവിറക്കും എന്നതിൻ്റെ അർത്ഥം ദഹിച്ചില്ല എന്നല്ലെന്ന് നാമതിനോട് ചേർത്ത് വായിക്കുന്നത്. സത്യം, നിങ്ങൾക്കിത് ദഹിക്കും - നിങ്ങളീ കവിതകൾ അയവിറക്കും.